وودي امووت اليووم واعيش بااكر

[الـرحـال]

ودي اموت اليوم اليوم واعيش باكر
واشوف من هو بعد موتي فقدني

ومن هو حملني لين ذيك المقابر
واشكر انا كل من كرمني ودفني

وبشوف يرثيني انا كم شاعر
ومن هو تركني وماكتب شي عني

شخص تعنا لي مع انة مسافر
وشخص قريب وانا ميت طعني

وشخص يمثل دمعتة ماهو قادر
وشخص تطيح دموعة كل ماذكرني

ومن هو من اهلي فالعزا كان حاضر
ومن هو دعا لي في صلاتة ورحمني

ومن هو بنا باسمي سبيل ومنابر
ومن هو يفز قلبة الا من لمحني

ومن هو عشاني طول الايام ساهر
ومن هو ثلاث ايام راح وتركني

ومن هو يرتب غرفتي والدفاتر
وان شاف صورة لي مات وحضني

يالله عسى ماتخفى كل المشاعر
ويالله عسى ماينصدم يوم ظني

خايف يروح العمر واكون خاسر
وان طار طيري مايفيد التمنى

وخايف يجيني وقت اكسر خواطر
ان دارت الدنيا وزماني كسرني

ومدام هذي الدنيا صارت مظاهر
وكل من على كيفة وجوة يغني

صحيح مسلم لكن الهم كافر
كل مابغيت اضحك يهددني حزني

الضيق وافي والحزن حيل وافر
والجرح اكثر شيشفتة يحبني

عايش وميت بين ماضي وحاضر
والصبر مفتاح الفرج ضاع مني

قل وش تبي وتتركني ياحزني امر
مسكين فرحي تصدق انة وحشني

شااعر ... ولكن ماني بشااعر
ودي امـــــــوت اليوم واعيش بااكر





,,,, اهدااء من الرحال,,,,
لاعضاااء الجوقة بدون استثناء

 

 

[دااااليا]

يسلمو خيوووو
احب هالشعر واايد
ومحتفظة فيه بجوالي
يعطيك العافية

 

 

[الـرحـال]

الله يعافيك

مشكورة ع المرور

 

 

[مخاوية العناد..]

يعطيك ألف ألف ألف عافيه
بندر الشعر روووعه

 

 

[الـرحـال]

الله يعااااااااااااافيك
ويسلموووووووو عنوووودة ع المرووور